F.I.Sh: Diyego Gerompini (Italiya)
Tug'ilgan sanasi: 23.10.1984
Mutaxassisligi: Batareya va xavfsizlikni baholash bo'yicha mutaxassis
Lavozimi: "Pietro Fiorentini" kompaniyasining sifat nazorati bo'limi muhandisi

Biz “TEXNOPARK” MChJning italiyalik hamkori “Pietro Fiorentini” korxonasi mutaxassislari hisoblanamiz, “Osten” aqlli gaz hisoblagichlarini ishlab chiqarish zavodiga muntazam tashrif buyuramiz. Amaldagi ustuvor maqsadimiz ishlab chiqarish jarayonlarini kuzatib borish, hamkasblar bilan ishlash masalalarini muhokama qilish, shuningdek “TEXNOPARK” MChJ xodimlari uchun o’quv mashg’ulotlarini o'tkazish hisoblanadi.

“Galdagi tashrifimizning asosiy maqsadlaridan biri quyma batareyalar ishlab chiqarish sohasini optimallashtirishdir. Biz rejalashtirilgan treninglarni yakunladik va yaqin kunlarda ish jarayonini optimallashtirish ustida ish olib boramiz, shu bilan birga nafaqat quyish batareyalari, balki umuman ishlab chiqarish bilan bog'liq bo'lishi mumkin bo'lgan xatarlarni baholash uchun xodimlarni o'qitamiz. Bu safargi delegatsiya tarkibiga “Pietro Fiorentini”ning 8 mutaxassisi jalb qilingan. Bular mexanik va elektron yig'ish, xizmat ko'rsatish bo'yicha muhandislar va mutaxassislar, shuningdek sifat nazorati bo'yicha muhandislar. Agar biz Toshkentdagi va Italiyadagi zavodlarda ishlab chiqarilgan “aqlli” gaz hisoblagichlarini o’zaro taqqoslasak, ular bir xil darajadagi yuqori sifatli mahsulot hisoblanishadi.

Shuni ta'kidlashni istardimki, o'zbekistonlik sheriklarimiz ishlab chiqarish boshlangandan beri, “Osten” gaz hisoblagichlari sifatiga ustuvor ahamiyat berishmoqda. Men bu yerda o'z ishining muvaffaqiyatli mutaxassislar bilan, shuningdek ko'plab iste'dodli xodimlar bilan uchrashdim. Sizlarda xodimlarni ishga jalb qilish va o'qitish yuqori darajada yo’lga qo’yilgan. Shuni aytishim mumkinki, bu yerda ishlab chiqarish jarayoniga ishtiyoqmand mutaxassislar ishlaydi, aynan ular yuqori sifat standartlariga javob beradigan mahsulotlar ishlab chiqarishga intilishadi. Bizning korxonalarimiz gaz hisoblagichlari uchun bir xil moslamalar va butlovchi qismlar ishlab chiqaradi va ular sifat jihatidan bugungi kunda eng yaxshi mahsulot hisoblanadi. Ishlab chiqarishni optimallashtirish masalasiga kelsak, biz doimo bu borada ish olib boramiz.

Yuqorida aytib o'tganimdek, kecha biz quyma batareyalarga texnik xizmat ko'rsatish bo'yicha o’quv mashg’ulot o'tkazdik va butun zavod bo'ylab xavfsizlik tizimini baholash bo'yicha o’quv mashg’ulotlarini o'tkazishni rejalashtirmoqdamiz. Ishlab chiqarish jadvaliga kelsak, bizda biroz kechikishlar mavjud va buning sababi pandemiya, chunki nafaqat gaz hisoblagichlari sohasida, balki butun dunyodagi barcha sohalarda qiyinchiliklar mavjud edi. Ammo biz, o'z navbatida, ta'minot va logistika nuqtai nazaridan qiyin daqiqalarga qaramay, to'xtab qolmaslik uchun barcha karantin choralarini iloji boricha amal qilishga harakat qilmoqdamiz. Ishonamanki, barcha qiyinchiliklarga qaramay, biz sheriklarimiz bilan yaxshi ish olib bormoqdamiz.